Агыйдел өсләре дулкын,
Кагадыр текә ярга.
Ул дулкыннар берни түгел
Булсаң син яннарымда.

Куш.
Агыйделнең суларында
Икәү йөзә (а)лсак кына,
Бир кулыңны гомер юлын
Парлап уза (а)лсак кына.

Агыйделдә ак пароход
Кайларга бара икән?
Шул пароход кебек ап-ак
Бәхетләр телик, иркәм!

Ярлары биек,
Кагадыр дулкын,
Сулары салкын –
Агыйдел.
Эзләдем – таптым!
Син дә яраттың,
Мин дә яраттым...

“Агыйдел сулары тирән,
Йөзәргә кыен” – димә.
Сынауларга бирешмәбез
Йөрәкләр типсә бергә.