Куш.
Син җибәрмә мине
“Кит!”, -дисәм дә,
Сүзләремне минем тыңлама!
Син җибәрмә,
Минем җанымнан бит
Кан тамчысы кебек моң тама...

Син җибәрмә мине яннарыңнан –
Ашыгулар илтә ялгышка.
Син җибәрмә, минем сүзләремә
Карар чыгарырга ашыкма.

Син җибәрмә мине, ят сүзләрнең
Салкыныннан кулың туңса да.
Син җибәрмә. Минем янда булу
Синең җанга авыр булса да!

Синем җибәрмә мине... Минем сөю
Бу дөньяда иң саф яшь төсле.
Син җибәрмә мине, мин бит, җаным,
Бары синең сөюдән көчле.