Күренми дә
Калды юллар. Кайтып булмый -
Үзәкләргә
Үтә-үтә буран дулый.
Нигә шулай?
Әллә нинди көне бүген...
Әйттең миңа
“Ярата(а)лмам сине бүтән.”

Куш.
Дулый буран...
Күренми дә дөньяларым!
Юк иде лә
Мондый буран күргәннәрем.
“Оныт инде
Бәхетләрне” дигән сыман
Юлларымны
Күмә-күмә дулый буран...

Дулый буран...
Бетмәс кебек дулаулары!
Әллә инде
Мине шулай сынаулары?
Түзеп була
Бураннарга урамдагы,
Салкынырак
Күңелләрнең бураннары.

Дулый буран...
Исем китеп карап торам.
“Адаштырам!”,
Дия, бугай, “Адаштырам”.
Кирәк түгел,
Сынама син мине, буран,
Сыналган без
Мәһәббәттә адашудан!