Юкка гына түгел инде бер дә,
Нигә йөрәк янмасын?
Утлар салды аңа
Синең генә карашың.
Килә бары синең белән
Гомерем буе барасым.
Әйтик әле әйдә
“Вәгъдә”, - диеп, җанашым!

Куш.
Ярый әле син бар, тиң ярым!
Сөюебез инде сыналган.
Җитәкдәшеп узыйк бергәләп
Тормыш дигән авыр юллардан.

Тоеласың шундый якын булып,
Дөньяларым онытам.
Әйтерсең лә беләм сине, иркәм,
Тумыштан.
Бәхетле дип әйтәм мин үземне
Сине күргән минуттан.
Бу бәхетләр бетмәс кебек бер дә
Син булсаң.